VOV4.K’ho-Pơn jat tai dơ\ lơh broă, mho ngai 1/6, Ủy ban Thường vụ Quốc hội ai jơnau đơs bè broă tam gơl gùng dà bơcri priă Rơndap broă lơh bàr pe gơl gùng rơndeh ntoat răt tàm gơl gùng đah Tô mờ đah Jum tiah đah Mat tơngai lik tơngai lơh broă bơh nam 2017-2020.

Jat Sră yal, Chính phủ dan 3 gùng dà tam gơl ală rơndap broă lơh bơnah bơcri priă jat broă lơh lơh broă bal đah dà lơgar mờ làng bol (PPP) tus bơcri priă ngui jơh priă bơcri dà lơgar dê. Bơh dơ\ cribơyai, Ủy ban Thường vụ Quốc hội dùl nùs bal gùng dà dơ\ 3. Jat hơ\, dùl nùs bal mìng tam gơl ală broă lơh bơt bơtàu ờ geh cau bơcri priă tus bal, hơ\ là rơndap broă lơh gơl gùng Vĩnh Hảo - Phan Thiết. Mơkung rơ wah 2 rơndap broă lơh geh kuơ dờng màng bơsong jal mhar mờ bơsong. Ală kuang bàng kung sồr Chính phủ yal wơl sră yal bal mờ 1 gùng dà dùl nùs bal bơh Chính phủ dê.

Kung tàm mho òr (01/6) sơl, Ủy ban thường vụ Quốc hội sền sơ wì broă tơn jơh lơh tơr lòng lài tơmu\t bal Văn phòng Mpồl kuang bàng Quốc hội, Văn phòng  Hội đồng Nhân dân mờ Văn phòng Ủy ban Nhân dân kấp càr.

Tàm broă lơh sa kă bro lơgar Việt Nam dê, mpồl lơh sa kă bro dềt mờ dềt ngan geh tus rơlao 93% khà mpồl lơh sa kă bro tàm lơgar Việt Nam mờ ală mpồl lơh sa kă bro do geh bơngă kuơ màng tàm broă tơnguh bơtàu lơh sa kung bè ring niam mpồl bơtiàn.

Bơh broă cri bơyai, Uỷ ban Thường vụ Quốc hội ring bal sồr lơh niam wơl măt sơnđan là Nghị quyết tơmù tă dia priă geh lơh mpồl lơh sa kă bro ai ờ uă mpồl lơh sa kă bro dềt mờ di mơ geh di jăt mờ khà geh ai bè neh geh ai tàm nghị quyết.

Ai khà priă geh mờ broă lơh lơh khà tòm bal. Tơngai geh ai khà tă dia gơl^k geh tàm tơngai kờp tă dia nam 2020. Tơngai lơh jăt nghị quyết tơnơ\ mờ 45 ngai bơh tu\ nghị quyết geh ring bal.

Cau mblàng K’ Hạnh