VOV4.K’ho – Mho òr, 19/12, ai jơnau đơs bơh sơn rờp bè broă rơcang tus pơrjum dơ\ 3, Quốc hội kơnă 14, Kuang atbồ cơldu\ lơh broă Quốc hội ồng Nguyễn Hạnh Phúc sồr Ủy ban Thường vụ Quốc hội đơng lam ală anih lơh broă geh gơ rềng mhar đơs tờm broă geh làh ờ yal rơndap adat rơcang sơndră sa kuề sa kùa tàm gơl tàm pơrjum dơ\ 3 tus. Kờp du\ lài, pơrjum dơ\ 3, Quốc hội kơnă 14 geh bơyai lơh tàm rlau 20 ngai. Jat ờs mờng, do là pơrjum pah nam den tàng Quốc hội sùm tơr gùm uă ngan tàm broă bơt bơtàu kơrnuat boh lam mờ broă sền sơ wì, ringbal 13 rơndap adat, 1 rơndap cih kơrnuat, ai jơnau đơs tàm 8 rơndap adat. Quốc hội lời 1 ngai nàng sền gròi broă mut lơh ală broă lơh, kơrnuat boh lam bè ờ do ờ dă phan sa tơngai bơh nam 2011 tus nam 2016. Do là bơta geh làng bol sền gròi ngan tài mùl màl bơta phan sa [ơ\, phan sa ờ git loh anih lơh gơlik gam geh tac uă ngan tàm drà kă bro, lơh gơbàn aniai pràn kơldang să jan cau ngui sa in.