VOV4.K’ho- Drim ngai (15/3), tàm Hà Nội, sơn đờm mut pơrjum dơ̆ 54 bơh Ủy ban Thường vụ Quốc hôị. Ai jơnau đơs bè jơnau yal tơn jơh broă lơh tơngai lơh broă khoá 14 bơh Quốc hội, Ủy ban Thường vụ Quốc hội sền sơ wì broă lơh lùp mờ hơ bơh ală Kuang bàng Quốc hội dê jak ngan, jrô ơnàng ngan, di mờ bơta kơ̆p kờñ mờ bơta kơ̆p gơn bơh uă ngan cau tĕ khà mờ làng bol dê.

Jat mò Nguyễn Thị Kim Ngân Chủ tịch Quốc hôị,  Quốc hội khoá 14 là tơngai lơh broă geh cồng nha mờ lơh sir jak ngan kơ nòl broă geh Đảng mờ làng bol jàu. Mờ 11 dơ̆ pơrjum, pah nhai Ủy ban Thường vụ Quốc hội ndrờm pơrjum, ờ kờp ală dơ̆ pơrjum nisơna bơh bơta sồr bơh Dà lơgar mờ Chính phủ dê nàng đơng lam broă lơh ờ gơtìp gơ kòl. Mò Nguyễn Thị Kim Ngân Chủ tịch Quốc hội đơs nền broă lùp mờ hơ bơh ală Kuang bàng Quốc hội dê jak ngan, jrô ơnàng ngan, di pal mờ bơta kơ̆p kờñ mờ bơta kơ̆p gơn bơh làng bol dê.

Cau mblàng K’ Hạnh