VOV4.K’ho – Tàm pơrjum dơ\ 14 geh bơyai lơh mho òr 11/9, Ủy ban Thường vụ Quốc hội sền sơwì, ai jơnau đơs bè rơndap adat tam gơl, bơ tơl ờ uă bơta bơh adat tàp pràn să jan.

Cribơyai tàm pơrjum, uă ngan ală kuang geh jơng tàm Ủy ban Thường vụ Quốc hội ringbal mờ bơta kuơ màng pal tam gơl, bơ tơl ờ uă bơta bơh adat tàp pràn să jan; đơs là, rơndap adat geh bơt bơtàu geh dong bơsong ală bơta ờ niam bơh adat tàm pràn să jan nam 2006; bơ tơl ală bơta gơlik geh tàm bơta geh ngan gơ rềng tus broă lơh tàp pràn să jan; mơkung tam gơl gơs kơrnuat ală gùng dà, broă lơh bơh Đảng mờ dà lơgar bè chồl pràn bơta lơh broă bal bơh gùt mpồl bơtiàn dê tàm gah tàp pràn să jan, ai geh bơta [uơn chul chồl tàp pràn să jan bơtàu tơnguh tàm tơngai tus.