VOV4.K’ho- Drim do 16/9, Ủy ban Thường vụ Quốc hội ai jơnau đơs bè rơndăp broă lơh Adat Gàr niam lơngăp lơngai, ờdo ờdă gùng lòt gùng tiah. Nàng lơh geh jơnau kờ` tam gơl pa, lơh niam wơl sră pơ àr mờ tàm bơta geh ngan bè lơngăp lơngai, ờdo ờdă gùng lòt gùng tiah tu\ do, Bộ Kuang àng, Bộ Giao thông Vận tải, Bộ Tư pháp ring bal lời Bộ Kuang àng in yal mờ Quốc hội, là: Broă bơto bơtê pơrlòng mờ ai sră măy rơndeh gơ wèt gơnoar broă lơh tam gơl bơh rơndăp broă lơh Adat Gàr niam lơngăp lơngai, ờdo ờdă gùng lòt gùng tiah dê.

Ồng Lê Đình Thọ Thứ trưởng Bộ Giao thông Vận tải đơs là, broă bè bơto bơtê, pơrlòng, ai sră măy rơndeh tàm bơta geh ngan pa do kung gam uă geh uă bơta ờ hềt niam, ờ pràn jak, ờ hềt lơh geh jơnau sồr ătbồ. Tus tơngai do, ai ală tơngume bơh Adat gùng lòt gùng tiah tus Adat Gàr niam lơngăp lơngai ờdo ờdă gùng lòt gùng tiah nàng lơh gơs, tơnguh uă cồng nha ătbồ dà lơgar.

Cau mblàng Lơ Mu K’Yến