VOV4.K’ho- Tàm mho ngai 15/3, Ủy ban Thường vụ Quốc hội ai jơnau đơs bè jơnau yal cồng nha sền gròi broă bơsong jơnau đơs bơh cau tĕ khà dê pơyoa tus pơrjum dơ̆ 10, Quốc hội khoá 14; jơnau yal tơrgùm jơnau đơs, jơnau dan bơh cau tĕ khà mờ làng bol dê pơyoa tus pơrjum dơ̆ 11, Quốc hội khoá 14.

Ủy ban Thường vụ Quốc hội đơs: 5 mpồl tơngume bè nùs nhơm, jơnau kơ̆p kờñ jơnau đơs bơh cau tĕ khà mờ làng bol dê là di pal, di mờ bơta geh ngan, ndrờm là ală broă dờng bơh mpồl bơtiàn geh làng bol mờ cau tĕ khà dê sền gròi. Bơdìh mờ ală gah geh mờ ờ hềt geh Rơndap cih jơnau yal kung geh đơs bàr pe broă pal geh gùng dà broă lơh bơsong di tŭ mờ geh cồng nha, gàr niam wil tơl mờ tơl làm, sồr pal pơn jat tai kờp sền, sền gròi nền nòn. Ủy ban Thường vụ Quốc hội sền bal là neh ring bal 5 mpồl jơnau đơs, jơnau dan neh geh tơr gùm, tàm hơ̆ geh uă broă geh gơ rềng tus broă lam lơh Nghị Quyết Pơrjum dờng Đảng dơ̆ 13. Rcang lài mờ bơyai lơh geh cồng nha tĕ khà Kuang bàng Quốc hội khoá 15 mờ Hội đồng Nhân dân ală kấp tơngai lơh broă bơh nam 2021- 2026.

Đơs pơn dŭt pơrjum dơ̆ 54, mò Nguyễn Thị Kim Ngân, Chủ tịch Quốc hội đơs nền: dùl tơngume kuơ màng ngan là broă lơh kuang bàng nàng lơh wil tơl gơ noar broă kuang đơng lam bồ tàm pơrjum dơ̆ 11, sồr ală anih lơh broă rcang lài niam ngan mờ ngan là ală jơnau sồr nàng yal tơngĭt, pồ, ai tơn jơh at gơnoar broă mờ kĭ ring bal nàng di pal mờ Sơnoa boh lam mờ Adat boh lam dê.

Cau mblàng K’ Hạnh