VOV4.K’ho- Drim òr 11/7, pơn jat tai pơrjum dơ\ 12, Ủy ban Thường vụ Quốc hội neh tă pơgồp jơnau đơs bè Jơnau yal sền swì cồng nha pơrjum dơ\ 3 mờ broă rơcang pơrjum dơ\ 4, Quốc hội kơnă XIV.

Gơ wèt mờ broă rơcang pơrjum dơ\ 4, Quốc hội kơnă XIV, ală kuang bàng tàm Ủy ban Thường vụ Quốc hội sồr kờ` pal pơn jat tai kơlôi sơnơng, tam gơl pa gùng dà bơyai lơh pơrjum nàng tơnguh jơnhoa rlau tai bơta niam mờ cồng nha lơh broă bơh Quốc hội dê, ngan là lơh niam rlau tai nùs nhơm cribơyai, tàm pơndang.

Đơs tơn jơh dơ\ lơh broă, mò Nguyễn Thị Kim Ngân, Chủ tịch Quốc hội sồr tàm dơ\ pơrjum dơ\ 4 bơh Quốc hội dê, gàr bè ờs tu\ tơngai lùp mờ hơ jơnau lùp là 3 ngai lơh broă, tàm hơ\, sac rwah ală broă loh làng, pleh lơh rah rài gơ jo\ jòng; sền swì mờ lơh tam gơl niam wơl ală broă lòt ai mờ phàt sră dan jơnau đơs tă pơgồp bơh kuang bàng Quốc hội dê; sơlơ lơh tai broă lơh sră báo nàng kờ` lơh niam broă yal tơngi\t jơnau di tu\, song dơ pă mờ dipal.

Cau cih mờ yal tơngi\t- Lơ Mu K’Yến