Broă lơh yàng jăt bơhiàn lòt bơ̆ dà bồ sơnam pa bơh làng bol tàm tiah do dê mờ là broă lơh geh gơtha sơnđờm broă lơh “Dơ̆ lơh chờ rê hờ tiah nggu rơyah Pác Bó nam 2023. Bơhiàn lòt bơ̆ dà ngai bồ nam pa là bơhiàn niam tàm bơta niam chài geh làng bol kòn cau Tày, Nùng tàm uă tiah tàm càr Cao Bằng dê lơh sùm mờ broă lòt bơ̆ dà ơn pơdơng tàm hìu duh khuai Củ tịc Hồ Chí Minh neh geh làng bol lơh tàm ngai 01 nhai 02 nam lơgar he bơh uă nam do.

Tus mờ Dơ̆ lơh chờ rê hờ tiah nggu rơyah Pác Bó nam 2023, năc lòt nhơl gam geh sền iăt ală jơnau đơs crih tam ya cèng uă rài kis niam chài krơi is bơh làng bol ală jơi bơtiàn kơnhoàl Hà Quảng dê; tơmŭt bal să jan he tàm nùs nhơm duh hồl bơh ală jơnau nhơl ờs mờng bơh yau bè bơtồ plai kòn, pik nhơ̆t, lòt cak càng èk, cù guốc lơh mờ mpàn...; sền bơta chài trŭ gơm phan sa krơi is ngan bơh ală jơi bơtiàn dê, lòt còp tiah ràng tơlik phan bơna Ƀòn lơh broă tàñ ồi yau mờ uă broă lơh niam chài krơi is ngan bơh làng bol ală jơi bơtiàn tàm tiah do dê.