Jat jơnau yal tàm pơrjum, càr Dăk Lăk mờ Bình Định neh geh ală broă lơh lơh broă bal bơtàu tơnguh lòt nhơl bơh nam 2016 bơh broă lơh kĭ hơ lơh ală anih lơh bal bơtàu tơnguh lòt nhơl 4 càr Bình Định– Phú Yên– Gia Lai– Dăk Lăk. Tus nam 2022, ală anih lơh bal do geh bơtơl tai 2 càr Quảng Nam mờ Kon Tum, lơh gơs ală anih lơh bal bơtàu tơnguh lòt nhơl 6 càr tiah tàm gùl lơgar mờ Tây Nguyên mờ tơngume Tây Nguyên dờng ơning ơnàng bơnĕ bơnài bal mờ dà lềng dờng.

Tàm pơrjum, kwang đơng lam bồ gah lòt nhơl 2 càr neh yal bè ală phan bơna lòt nhơl, broă lơh, dơ̆ lơh chờ niam chài tàp pràn să jan mờ lòt nhơl tàm nam do bơh 2 càr dê. Ală kwang bàng kung bơyai, cribơyai bè ală broă lơh sơlơ tơnguh broă lơh broă bal bơtàu tơnguh tour lơh bal, ngan là kàl lòt nhơl prang nam 2023; sơlơ tơnguh broă lơh mblàng yal, gơ hòi gơ jà năc lòt nhơl tus mờ càr Bình Định mờ sơlơ̆u wơl. Ala mat mpồl lơh sa kă bro 2 càr kung song dơ pă cribơyai, ai tơlik ală bơta kal ke, kòl yan kờñ pal tă bơsong kung bè đơs ală broă lơh nàng sơlơ tơnguh lơh broă bal, gơ hòi gơ jà lòt nhơl.