Tơnơ̆ uă dơ̆ sền sơ wì, lơh niam, bơtơl tai, ngai 04/04, tàm ƀòn dờng Kon Tum, Ƀan Tuyên giáo Tỉñ ủy Kon Tum bơyai lơh dơ̆ cribơyai tă pơgồp jơnau đơs tàm tơngume jơnau rcang cih sră “Cih lời wơl kir sơnrai ală broă lơh kah yau càr Kon Tum dê tơngai bơh nam 1471- 2021” nàng lơh tus broă lĭp sră.

Jơnau rcang cih dơ̆ 2 pang sră “Cih lời wơl kir sơnrai ală broă lơh kah yau càr Kon tum tơngai bơh nam 1471- 2021” geh bơta lơŭt rlau 700 pang. Sră ai bơh tềl tơngai nam 1471 sơn đờm broă lơh rài Bơtau Lê dê lơh nền tiah nhàr atbồ tiah Kơh nơnơm Tây Nguyên. Tơngume pang sră geh 3 bơnah tờm là ală broă lơh kah yau bơh càr Kon tum dê tam pà gơs 3 rài. Mờ kơ̆p kờñ pang sră Cih lời wơl kir sơnrai ală broă lơh kah yau càr Kon Tum dê tơngai bơh nam 1471- 2021 là dùl rùp hin tơrgùm bal, niam ngan bè tŭ tơngai bơt bơtàu mờ bơtàu tơnguh càr Kon Tum dê, Mpồl cau cih pang sră jơh nùs iăt mờ dờp jơnau đơs di pal nàng bơtơl tai ală broă lơh kah yau pơn rơ ngan, broă lơh kah yau cèng bơta bơtàu tơnguh bơh càr, bơh gah lơh broă dê bơh ală rài....

Jat tàm ală tơngume tă pơgồp jơnau đơs, Mpồl cau cih pang sră rơ̆p sền sơ wì, lơh di wơl, bơtơl tai nàng tŭ lĭp sră cau sền geh gĭt tai mờ uă bơta tềl lời wơl uă ngan mơya kung gam sền gŏ tơl làm ù tiah, kòn bơnus, bơta niam chài, kah yau bơh càr Kon Tum dê tàm tơngai kah yau dê