Jat hơ̆, uă ngan ală mpồl bơyai lơh lòt nhơl ndrờm lơh tour 1 ngai, tour 3 ngai 2 mang halà 4 ngai 3 mang, tàm hơ̆ tour 4 ngai 3 mang geh bơceh lơh rềp mờ tŭ tơngai bơyai lơh mờ ală broă lơh bơh Dơ̆ lơh chờ dê nàng lơh gơlik bơta niam ai nac nhơl chờ in lòt sền, nhơl ñŏ, tus bal Dơ̆ lơh chờ.

Bal mờ 18 broă lơh tờm bơh Dơ̆ lơh chờ dê, nac nhơl chờ gơtùi rơ wah ală tour lòt sền tàm ală tiah nhơl chờ tàm ƀòn dờng mờ bơdìh ƀòn dờng Buôn Ma Thuột; ală tour sền git ngan ngồn bè: coh rơndeh, hàu bơnơm, đì plung sơrlèt ñrùh dà, coh rơndeh lòt gan brê halà jòi git bè tờm kơphe, broă lơh tam kơphe mờ ală broă lơh gơlik kơphe tàm Dăk Lăk. Kuơmàng, uă tour bơceh nac nhơl chờ in jòi git bè rài kis, niam chài, phan sa, bơhiàn bơh yau bơh kòn cau Rơđê, M’nông dê mờ niam chài, phan sa bơh cau Lào dê tàm Tây Nguyên.