Jun sră tus tơn tàm tê kơnòm bơsram tiah sar lơgar ngài in kung là dùl tàm ală broă lơh pơnrơ ngan bơh Mpồl Jơnau cih đơs crih tam ya càr Dăk Lăk dê lơh jăt Ngai Sră mờ niam chài sền sră nam do dê. Mò Niê Thanh Mai, Kwang ătbồ Mpồl Jơnau cih đơs crih tam ya càr Dăk Lăk pà gĭt, jăt bơta jàu kơnòl bơh Mpồl Cau cih jơnau lơgar Việt Nam dê, Mpồl Jơnau cih đơs crih tam ya càr Dăk Lăk neh pà gĭt nđờ rhiang pang sră jơnau cih đơs crih tam ya tàm rơndăp broă lơh “Pà sră jơnau cih đơs crih tam ya ai kơnòm dềt tiah sar lơgar ngài in” mờ bơyai lơh uă broă lơh tìp măt lơh kwèng bal, tìp măt tơm bơh bơr mờ cau cih sră. Mò Niê Thanh Mai kơ̆p kơnờm ngan, bơh hơ̆ kơnòm bơsram rơ̆p geh bơta gĭt mờ sền sră uă rlau, bơh hơ̆ rơ̆p lời uă tŭ jiơ rlau ai broă sền sră, sền nàng gĭt tơl pang sră in.