Dơ̆ lơh Yàng dan lòt lơh ka ală ƀòn lơh ka Phan Thiết dê
Thứ tư, 06:00, 05/08/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Mờ tơngu me “Sền gàr bơhiàn niam chài dà lềng- Răc dan kơ̆p kờñ dà lơgar ring lơngai làng bol lơngăp lơngai- Cau lơh ka lòt tàm dà lềng geh cồng nha”, “Dơ̆ lơh Yàng dan lòt lơh ka ală ƀòn lơh ka sơnah ƀòn Phan Thiết nam 2026 neh geh bơyai lơh tàm mpràp gùng Phạm Văn Đồng, sơnah ƀòn Phan Thiết, càr Lâm Đồng.
Do là broă lơh tàm ală broă lơh “Gờm chờ kàl lòt nhơl rlô bơkang nam 2026” bơh càr dê. Dơ̆ lơh Yàng geh bơyai lơh tus ngai 8/8, geh bơnah lơh Yàng tàm Dinh Vạn Thủy Tú mờ bơnah lơh chờ tàm ală gơl gùng Trưng Trắc, Phạm Văn Đồng bal mờ ù tiah dà dờng Cà Ty.
Tàm tơngume dơ̆ lơh Yàng gam geh dơ̆ lơh Yàng sơnđờm mut lơh, kah kơlôi mò pàng, dơ̆ răc dăn hwềng soàn cau neh chơ̆t, dơ̆ chu đèng gŭ 500 bơkào đèng gŭ tàm dà dờng Cà Ty; đơs bội bơhiàn ờs mờng, hô bài chòi, nhơl bơh yau, đơs crih tam ya gùng drà, drà kă bro phan mờ ù tiah phan sa pơn rơ ngan bơh Phan Thiết dê.
Viết bình luận