Geh rlau 250 nă cau pơrlòng là ală ơruh pơnu mờ cau chài kơnòm să tàm ală ƀòn lơgar tàm ƀòn dờng Buôn Ma Thuột dê tus bal tàm dơ̆ pơrlòng. Dơ̆ pơrlòng gơ hòi gơ jà bơta tus bal bơh 14 mpồl, 60 dơ̆ ràng tơlik mờ uă bơta, bè: mìng dròng cing lơm, tàm bơr lŭ bal mờ đờng goòng kòn cau, đơs jơnau pơnđick, tam ya. Ală mpồl pơrlòng neh cèng tus ală dơ̆ ràng tơlik niam ngan, tơngŏ bơta niam chài bơh yau bơh ală jơi bơtiàn kòn cau Rơđê mờ Mường dê.

Ală jơnau dròng cing lơngô, cing gle, đờng goòng bơh gle, đơr geh ngui chài ngan bơh ală ơruh pơnu dê neh cèng tus ai dơ̆ pơrlòng in nùs nhơm duh hồl, hô hơng ngan. Tơn jơh dơ̆ pơrlòng, mpồl bơyai lơh neh jàu 18 khà A, B, C mờ khà pơn jờng ai ală dơ̆ ràng tơlik in. Jàu khà 1 gùt mpồl ai mpồl ƀòn Kmrơng Prong A, xã Ea Tu, ƀòn dờng Buôn Ma Thuột in.