Tơl mpồl geh ai 32 nă cau tus bal, do là khà cau geh ai ndrờm bal bè SEA Games dơ̆ 32 dê sơl. Jăt broă rơndăp lơh lài ngan, dơ̆ bơyai lơh do geh lơh tàm ngai do (04/05), mơya lơgar tờm bơyai lơh Campuchia neh ai lơh gờñ rơlao, den tàng mpồl tàp pràn să jan lơgar Việt Nam ờ hềt tus tơl cau.

Mpồl tàp pràn să jan lơgar Việt Nam tus bal pơrlòng SEA Games dơ̆ 32 mờ 1003 nă, tàm hơ̆ geh dùl nă Kwang lam bồ mpồl mờ bàr nă Kwang Phó kwang atbồ mpồl. Mpồl tàp pràn să jan lơgar Việt Nam tus bal pơrlòng 31 môn, 446 tơngu me pơrlòng, ai jơnau kờñ geh bơh 90 tus 120 nơm glai lòng biàng tàm dơ̆ pơrlòng SEA Games 32 do. Ală nam do, tơnơ̆ mờ tŭ dờp geh gơnoar bơyai lơh pơrlòng SEA Games, lơgar Campuchia neh lơh broă bal mờ Ủy ƀan OLimpic uă lơgar tàm tiah do nàng kơnờm geh dong kờl. Tơnơ̆ mờ tŭ bơyai lơh yồng bồng bi SEA Games pa geh bơyai lơh kung geh broă dong kờl bơh đah lơgar Malaysia. Bơdìh hơ̆ tai, đah Mpồl bơyai lơh bơh lơgar Campuchia dê kung neh lơh broă bal mờ uă mpồl pràn pràn să jan câu Á nàng bơsram bal broă mờng chài tàm broă bơyai lơh.