Gia Lai duh hồl ală dơ̆ lơh chờ gờm chờ Sơntờm Dà lơgar ngai 2/9
Thứ sáu, 10:57, 22/08/2025
Cau mblàng K’Hạnh/VOV
Cau mblàng K’Hạnh/VOV
VOV.K’Ho- Ngai 21/8, Anih duh broă Làng bol càr Gia Lai yal broă rơndăp lơh bơyai lơh ală broă lơh niam chài, đơs crih tam ya, lơh rài bồ tơngoh tàm dơ̆ tơngkah kir sơnrai 80 nam Kăc màng nhai 8 mờ Sơntờm Dà lơgar ngai 2/09.
Dơ̆ lơh chờ “bơta niam bơnĕ brê bơnơm dờng ơning ơnàng- Dà lềng tơlir tơrgùm bal” rơ̆p sơnđờm tàm mang ngai 29/08 tàm Ƀlàng dờng Nguyễn Tất Thành (sơnah ƀòn Quy Nhơn), bal mờ dơ̆ cuh phăo bơkào lơyah tŭ 9 jiơ nggùl mang. Mang ngai 2/09, tàm Ƀlàng dờng Đại Đoàn Kết (sơnah ƀòn Pleiku) rơ̆p cuh phăo bơkào lơyah tơnơ̆ broă lơh đơs crih tam ya is ồn ngan.
Bơh ngai 29 nhai 8 tus ngai 2/09, sơnah ƀòn Quy Nhơn gơ gơs ù tiah dơ̆ lơh chờ mờ dồ ròt broă lơh duh hồl bè dơ̆ lơh chờ bơta àng, ngai chờ niam chài kơphê mờ cing mồng Tây Nguyên, dơ̆ lơh chờ phan sa pơgồp bal mờ ràng tơlik phan bơna OCOP mờ ƀòn lơh broă ờs mờng. Tàm Ƀlàng dờng Chiến Thắng rơ̆p geh broă lơh đơs crih tam ya ờs mờng, dơ̆ lơh chờ gùng drà bal mờ uă broă lơh mpồl bơtiàn.
Viết bình luận