Bal mờ ală cồng nha niam ngan, pơrjum đơs nền tàm ală tŭ lam lơh jăt jơnau lơh nền tàm pơrjum, càr kung gam uă bơta ờ hềt dipal. Ngan là broă lơh đơng lam, sồr lơh bơh bàr pe kâp ủy, gơnoar ătbồ dê, broă rơndăp lơh lam lơh jăt tàm bàr pe mpồl đảng, anih lơh broă, mpồl lơh broă dê gam lơyài, ờ hềt rềp mềl mờ bơta geh ngan; jơnau gĭt wă bơh dồ bơnah kwang bàng, đảng viên, làng bol dê ờ hềt jrô ơnàng mờ tơl làm. Nàng bơsong ală jơnau ờ hềt dipal do, pơrjum geh 10 kơnòl broă mờ broă lơh tơrgùm lam lơh jăt tàm tơngai tus.

Tàm hơ̆, sền gròi tus broă rề ơnàng bơta kwơ, gơnoar mờ bơta pràn niam chài, nùs nhơm tă pơgồp ơn pơdơng bơh kwang bàng, đảng viên mờ ală rơnàng làng bol dê; bơ̆t bơtàu kòn bơnus geh nùs nhơm niam, bồ tơngoh jak mờ ơm kis lơh lòt niam, gĭt wă jrô nùs nhơm jơi bơtiàn, bơta niam chài kòn bơnus, làng bol lơh tờm mờ jak chài.