Geh lơh bơh tŭ do tus jơh ngai 19/8 do, dơ̆ pơrlòng geh 340 nă cau pơrlòng gơ wèt 14 càr, ƀòn dờng tàm gùt lơgar tus bal pơrlòng. Ală cau pơrlòng rơp tàm pơrlòng tàm 36 bơta kơn jơ̆ lời ai cau ùr, cau klau mờ cau ùr cau klau pơgồp bal in gơ wèt 2 tơngume duĭ che tàm hìu mờ duĭ che hờ bơdìh, jat broă lơh pơrlòng sac rơ wah tơn tơnơ̆ 2 dơ̆ ờ jai. 

Tơnơ̆ dơ̆ mut lơh pơrlòng, ală mpồl neh tus bal pơrlòng ală tơngume 600 kĭ cau klau, 400 kĭ cau ùr mờ 370 kĭ cau klau – cau ùr pơgồp bal, duĭ che tàm hìu. Nam do, pơrlòng geh bơyai lơh tàm càr Dăk Lăk wèt tus tơngkah 80 nam Ngai Sơntờm lơgar Kộng hòa sàh hội củ nghĩa Việt Nam, gờm chờ Pơrjum dờng Cau ala mat Đảng ƀộ càr Dăk Lăk dơ̆ 18 mờ lơh jat dơ̆ hòi jà “Jơh gùt làng bol tàp pràn să jan jat krơh niam Wa Hồ kờñ gơboh”.