Broă lơh do bơh Ủy ƀan Ñân zân càr Dăk Nông pơgồp bal mờ Tổng Lãñ sự lơgar Ấn Độ tàm ƀòn dờng Hồ Chí Minh bơyai lơh. Tàm broă lơh do, ală cau chài đơs crih tam ya bơh Mpồl đơs crih tam ya jơi bơtiàn Dăk Nông mờ Mpồl đơs crih tam ya yô yau lơgar Ấn Độ dê neh lơh gĭt nđờ jơ̆t jơnau đơs crih tam ya niam bơnĕ is ngan, yal tơngĭt mờ cau sền cau iăt in bơhiàn niam chài krơi is jơi bơtiàn bơh dà lơgar Ấn Độ mờ Việt Nam dê, kơnhoàl ù tiah mờ kòn bơnus càr Dăk Nông dê.

Bal mờ broă yal tơngĭt, lùp nàng gĭt tai bè bơhiàn niam chài ờs mờng bơh yau bơh 2 gah dê, broă lơh pơgồp bơnah sơlơ tơnguh tai broă lơh tìp măt lơh kwèng niam chài đah càr Dăk Nông mờ lơgar Ấn Độ, tơnguh uă bơta gĭt gơ̆p tam klăc lơh broă bal jŏ jòng tơl làm đah bàr lơgar Việt Nam mờ Ấn Độ.