Nam do, dơ̆ lơh chờ geh tơngume “Cư A Mung tiah tơrgùm wơl, tìp mat lơh kwèng mờ ngui niam bơhiàn niam bơnĕ niam chài ală jơi bơtiàn kòn cau dê” geh bơyai lơh tàm 3 ngai, bơh 4 tus ngai 6 nhai 4.

Dơ̆ lơh chờ Thanh Minh tàm xã Cư A Mung bơh sơn rờp bơh làng bol kòn cau Nùng dê ơm kis tàm tiah do bơyai lơh. Tơnơ̆ pah nam, dơ̆ lơh chờ sơlơ geh lơh gơ rề uă, gơ hòi gơ jà uă ngan làng bol ală jơi bơtiàn kòn cau tiah đah tô dà lơgar ơm kis tàm tiah do tus bal, mờ geh tìp mat lơh kwèng bơta niam chài bơh làng bol kòn cau Jarai ơm tàm tiah Tây Nguyên.

Tus mờ dơ̆ lơh chờ Thanh Minh dơ̆ 7 do, năc lòt nhơl geh sền gĭt ù tiah niam chài cèng uă bơhiàn bơh yau bơh ală kòn cau tiah đah kơh bơnơm đah Tô dà lơgar dê, bal mờ hơ̆ là tơrgùm bal tìp mat lơ̆h kwèng niam chài, đơs crih tam ya mờ tàm bơrlŭ bal mờ bơta niam chài Tây Nguyên dê.