Do là gùng lòt làm gùt ù tiah Việt Nam bơh Đoàn Dà lơgar lam lơh, lòt jăt sèng bơnơm Trường Sơn ndu gơnrơh, chờ hờp wă rò 80 nam Kăc màng Nhai Phàm mờ Sơn tờm Dà lơgar ngai 02/09. Broă lơh cèng uă nùs nhơm ngoh rơngăc ai cau sền in bal mờ bơta geh măt bal bơh Cau chài Làng bol Nguyễn Thị Thanh Thúy, cau chài đơs crih Võ Hạ Trâm, Phương Thanh, Suboi, Hồ Lê Ngân Hà bal mờ uă cau chài bơceh jơnau đơs crih gam kơnòm să ndai.

Ală jơnau đơs crih pa bè: “Driau brồ să”, “Made in Vietnam”, “Hìu añ geh yồng dùl nơm bồng bi”, pơgồp bal mờ ală jơnau đơs lòt bal mờ nam nhai “Tàm tơrbŏ dang tê dờng”, “Ùr ơruh pờ gùng”, “Gĭt ưn ngài bi Võ Thị Sáu” neh lơh gơlik geh dùl dơ̆ đơs crih tam ya khin cha jak chài, kơnòm să ngan tai. Dăk Lăk là anih tus dơ̆ bàr bơh rơndeh dê tơnơ̆ ƀòn dờng Hồ Chí Minh. Gùng lòt rơ̆p pơn jăt tai tus Đà Nẵng, Huế, Quảng Trị, Nghệ An, Phú Thọ mờ Hà Nội.