Tàm tơngume “Nhai sền gĭt tiah tus lòt nhơl càr Lâm Đồng nam 2025”, Hìu ơn prăp phan kwơ yau càr Lâm Đồng yal mờ năc lòt nhơl mờ làng bol in ală bơhiàn niam chài niam ngan bơh làng bol kòn cau M’nông mờ Mạ dê. Tàm ù tiah tơlir lơngơm mrềt bơh hìu ơn prăp phan kwơ yau tàm Dà Làc, năc geh sền gĭt tơn broă tàñ ồi kòn cau ờs mờng mờ sền mpoong ntas cing tàm brê dờng ơning ơnàng.

Bulah ào mpha tàñ mai geh lờs ngai sơlơ uă, kòn cau M’nông mờ Mạ kung gam sền gàr broă tàñ bơh yau bè bơnah hwềng niam chài jơi bơtiàn dê. Cing mồng ờ mìng mpoong tàm dơ̆ lơh chờ, broă lơh kwơ màng lơm mờ tŭ do gam drơng năc lòt nhơl, lơh geh broă lơh sa jài, mờ yal tơngĭt bơta kwơ niam chài tai sơl. Tŭ do, càr Lâm Đồng geh rlau 127 rơbô nă cau M’nông mờ rlau 50 rơbô nă cau Mạ, kung gam gàr sùm uă gah broă ờs mờng, bơhiàn pin dờn jat Yàng cèng bềng bơhiàn niam chài.