Anih tờm Sră ƀăo rơ̆p bơyai lơh, đơng lam lơh mờ bơto pơlam broă lơh ai jơnau tơngit, drơng broă mờr 1 rơbô 550 nă cau ai tơngit jơnau gơwèt rơlao 200 anih sră ƀăo tàm lơgar mờ ală lơgar. Do kung là anih tờm ai jơnau tơngit, dong kờl lơh broă, pơgồp bal kwơ màng tàm cồng nha bal bơh ală broă lơh tơnkah dê.

Kung di tàm dơ̆ do sơl, Ƀộ Bơta chài mờ Măi mok pa pơgồp bal mờ Mpồl Mblàng yal bơto bơtê, Mpồl Hòi jà làng bol Dà lơgar mờ Ƀộ Niam chài, Tàp pràn să jan mờ Lòt nhơl tơlik tem bưu cíñ “Tơngkah 80 nam Sơn tờm Dà lơgar Kộng hoà Sàh hội Củ nghĩa Việt Nam (1945-2025)”. Mpồl tem do geh dùl bơta tem mờ dùl blốc, wăc sềr rùp rài Củ tịc Hồ Chí Minh mờ broă lơh wăc rùp pa, niam ngan, ai tơngŏ jrô ơnàng ngan jơnau gơtha bơh jơnau kah yau, niam chài bơh broă lơh dờng màng dê.