Sơnđờm ai ngui mpồl rùp Sơnam pa nam Ơseh 2026 tàm Gia Lai
Thứ tư, 06:00, 11/02/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Tàm Ƀlàng dờng Nguyễn Tất Thành (sơnah ƀòn Quy Nhơn), càr Gia Lai neh bơyai lơh dơ̆ sơnđờm ai ngui mpồl rùp Sơnam pa nam Ơseh 2026, drơng broă làng bol chờ hờp sơnam pa, wă rò sa tềp mờ gơ hòi gơ jà năc lòt nhơl.
Jat Sờh Niam chài, Tàp pràn să jan mờ Lòt nhơl càr Gia Lai, mpồl rùp Sơnam pa nam Ơseh 2026 geh ai bơh bơta gơ kờñ bơh nùs nhơm “Thánh Gióng - Ù tiah tàp võ - Brê bơnơm dờng ơning ơnàng”, broă lơh tơngŏ bơta tàm pơgồp bal bơnĕ bơnài đah bơta kwơ ờs mờng bơh yau, bơhiàn niam chài is mờ bơta kơ̆p kờñ bơtàu tơnguh bơh càr Gia Lai dê tàm tơngai pa.
Bơta tờm bơh mpồl rùp dê là rùp Ơseh tam lơh, rùp tờm bơh nam Ơseh 2026, ai bơta kờñ bơh Ơseh lòs bơh Thánh Gióng dê, pơrya ai bơta pràn, nùs nhơm kră kơldang mờ bơta kơ̆p kờñ tam gơl pràn, mut gơ rờm bal bơh Gia Lai dê tàm rài pa.
Viết bình luận