Tus bal dơ̆ pơrlòng dơ̆ do geh mờr 600 nă kwang bàng, cau đơs lơh bơh 15 mpồl Đơs crih tam ya làng bol tus bơh ală Cơldŭ lơh broă Niam chài mờ Yal tơngĭt jơnau, Anih tờm Niam chài ală kơnhoàl, thị xã, ƀòn dờng mờ Gah đơng lam Mpồl ling klàng càr Dăk Lăk dê. 82 dơ̆ ràng tơlik bơta đơs crih, tam ya, jơnau ntas phan teh dê mờ ală bơta đơs crih tam ya ràng tơlik tàm dơ̆ tàm pơrlòng là ală jơnau ràng tơlik jak ngan geh sac rơwah bơh ală dơ̆ pơrlòng, dơ̆ ràng tơlik tàm ƀòn lơgar.

Tơngume tàm jơh broă lơh dê là jờng rơ Đảng pơn rơ ngan, Wa Hồ dờng màng, nùs nhơm kờñ gơboh ƀòn lơgar, dà lơgar, rài kis niam bơnĕ tàm tiah kơh bơnơm Dăk Lăk dê; ală cồng nha dờng màng bơh kăc màng Việt Nam mờ broă lơh tam gơl pa dà lơgar rlau 35 nam do; yal tơngĭt bơta pin dờn bơh làng bol dê tàm bơta đơng lam bơh Đảng, jơh nùs lơh ngan bơt bơtàu mờ sền gàr Dà lơgar Việt Nam xã hội củ nghĩa.