Do là broă lơh geh kwơ di tơnkah 64 nam gơtìp aniai bơh sơnơm khih tàm rài tam lơh tàm lơgar Việt Nam. Broă lơh ai tơngŏ nùs nhơm sền gròi uă ngan bơh Đảng, Dà lơgar, bơh gùt mpồl lơh broă cíñ trị; yal broă lơh bal, kờñ bal kwơ màng bơh làng bol, ală mpồl lơh broă, cau dùl nă să, ală cau geh nùs nhơm niam tàm lơgar mờ ală lơgar neh tam pà bal, pơgồp bal tơrmù hoàc huơr bơh sơnơm khih, sền gàr, dong kờl cau gơtìp sơnơm khih lơh aniai.

Bơh ală jơnau đơs crih niam pơgồp bal mờ ală jơnau yal tơngit mờ tìp bal mờ ală cau là cau gơtìp sơnơm khih tàm rài tam lơh dê, Broă Tìp bal đơs crih tamya “Jăt bơta àng măt tơngai sòl àng drim” mờ tơngu me geh sùm “rài kis lơh broă sa – tơrgùm bal”, neh yal, lơh geh uă ală broă tơrlòng lơh rài kis broă lơh sa geh cồng nha, dong kờl cau gơtìp sơnơm khih in sơrlèt mờ bơta kal ke, tơrgùm bal mờ mpồl bơtiàn.