Khà jờng sră ƀău dơ̆ do geh gơtha kuơmàng ngan, là dùl tàm ală broă lơh geh pơn rơ ngan wèt tus tơngkah 80 nam Ngai bơhiàn Kwang àng làng bol, 20 nam Ngai chờ jơh gùt làng bol sền gàr lơngăp lơngai dà lơgar. Tàm dơ̆ jàu khà jờng, Mpồl duh broă ai điểm dut ndơl neh rơ wah 72 jơnau sră ƀău geh pơn rơ ngan nàng jàu khà jờng, geh: 6 jơnau sră ƀău geh khà A; 12 jơnau sră ƀău geh khà B; 19 jơnau sră ƀău geh khà C; 35 jơnau sră ƀàu geh khà pơn jờng.

Tàm dơ̆ jàu khà jờng, Anih Jơnau đơs Việt Nam (VOV) neh pơn yờ să ngan ai geh 2 khà jờng là dùl khà A bơh mpồl cau cih ƀău Bùi Thị Hương Giang; Nguyễn Thị Kim Thanh (Mpồl jơnau yal tơngĭt jơnau gơlik geh pah ngai Anih jơnau đơs Việt Nam) mờ jơnau cih “Tàm  gùl bơta kis mờ chơt să” mờ dùl khà pơn jờng bơh Mpồl cau cih ƀău Bùi Hương Giang; Nguyễn Hà Phương (Ƀău điện tử Anih jơnau đơs Việt Nam) mờ jơnau cih “Sang tĕ Tin làñ Đêgar: wơl bồ là àr”.