VOV4.K’ho – Drim ngai 22/9, Văn phòng Quốc hội bơyai lơh pơrjum tàm pơrlòng kờ` gơboh dà lơgar dơ\ 4, tơngai bơh nam 2020 tus nam 2025. Tàm 5 nam do, ală srơh tàm pơrlòng mờ broă lơh pà khà jờng bơh Văn phòng Quốc hội dê neh geh sền gròi đơng lam, geh ua\ tam gơl pa, di mờ bơta geh ngan mờ broă lơh bơh ală anih lơh broă Quốc hội dê.

Đơs tàm pơrjum, Chủ tịch Quốc hội, mò Nguyễn Thị Kim Ngân đơs niam broă Văn phòng Quốc hội neh pơgồp bal mờ ală anih lơh broă geh gơ rềng lam lơh broă pà khà jờng gơ wèt tus mờ ală kuang bàng Quốc hội lơh broă sùm tàm ală anih lơh broă bơh Quốc hội dê, bơsong bơta ờ niam tàm broă lơh pà khà jờng.

Chủ tịch Quốc hội kung đơs nền tai, Văn phòng Quốc hội pal sền gròi tus broă sền sơ wì, sền wơl, tơn jơh broă lơh tàm pơrlòng, pà khà jờng nàng kờ` pơn jat tai tơnguh ală cồng nha lơh geh, bơsong jơh ală bơta ờ niam, ngan là bơta mìng đơs mờ ờ lơh ngan ngồn.

Cau mblàng K’Duẩn