VOV4.K’ho –Việt Nam sùm gàr bơngă tac điều hờ lơgar ndai dờng ngan dunia nam dơ\ 10 sùm mờ tu\ do geh 50% khà kă bro gar điều tàm gùt plai ù.

Do là jơnau tơngit geh mpồl lơh điều Việt Nam yal tàm pơrjum bè bơta lơh gơlik, kă bro điều 3 nhai bồ nam 2016 geh bơyai lơh mho òr tàm [òn dờng Hố Chí Minh. Gar điều là phan lơh gơs bơh suơn sre bơh Việt Nam dê geh priă lơh geh bơh tac hờ lơgar ndai sùm gơguh uă. Nam 2015, Việt Nam tac hờ lơgar ndai 330 rbô tấn gar điều, priă lơh geh 2 tơlak 500 rbô đôlar Mỹ. Việt Nam neh tac gar điều tus 80 lơgar mờ kơnhoàl ù tiah tàm dunia, tàm hơ\ geh lơgar Mỹ, lơgar Lo mờ châu Âu là ală drà kă bro dờng ngan. Mơya jat uă cau jak chài, tàm nam do mờ tơngai tus, Việt Nam pal sền gròi uă rlau tai tus bơta gàr kloh niam ờ do ờ dă phan sa nàng tơmù tus khà lơyah ngan rlau jơh ală bơta aniai tàm broă lơh gơlik, tac điều tàm dunia.

                                                         Cau cih mờ yal tơngit K’ Duẩn.