VOV4.K’ho -  Mho òr (26/10),  mo tơn tơnơ\ jơh ala\ broa\ lơh tàm 3 dơ\ pơrjum la Dơ\ pơrjum cri bơyai lơh sa dunia tàm ù tiah Mê Kông (WEF-Mekong), Pơrjum dờng màng  tam klac lơh broa\ bal Campuchia-Lào-Myanmar-Việt Nam dơ\ 8 (CLMV8) mờ dơ\ pơrjum dờng màng lơh broa\ bal kuơ màng 3 dà dờng Ayeyarwadi-Chaopraya-Mekong dơ\ 7 (ACMECS7). Ồng Nguyễn Xuân Phúc kuang gơs gơnap gơnoar atbồ hờđang rlau jơh dà lơgar neh đơng lam dơ\ pơrjum  bao\ dunia. Ồng Nguyễn Xuân Phúc ai git, Việt Nam  bơyai lơh dùl tu\ 3 dơ\ pơrjum, neh lơh geh ua\ cồng nha. Tàm hơ\, dơ\ pơrjum cri bơyai lơh sa dunia bè ù tiah Mekong la jơnau bơceh bơh Việt Nam geh ala\ lơgar mờ lơgar lơh broa\ bal bơtàu tơngguh geh đơs niam. Tàm dơ\ pơrjum, ala\ lơgar neh ai tơlik ala\ gùng dà  broa\ lơh bè  bơtàu tơngguh tơlir, tơngguh geh gơ glòm jơh, geh lơh  ngan dùl mpồl bơtìan wèt tus làng bol, lơh di pal mo tam dra\ mờ tam gơl trồ tiah. Ala\ gah kung neh tơlik ala\ broa\ lơh nền nòn mờ broa\ ngan broa\ lơh tàm ala\ lơgar rềp bal do kờ` geh tơrbo\ tàm dơlam niam rlau tai mpồl, mờ kung  bơtàu tơngguh pràn ngan bơta git gơp mờ ala\ lơgar bơtàu tơngguh, ala\ lơgar lơh broa\ bal bè anih pria\ jền dunia WB, anih pria\ jền bơtàu tơngguh châu Á (ADB).

Ồng Nguyễn Xuân Phúc kuang gơs gơnap gơnoar atbồ hờđang rlau jơh dà lơgar neh đơng lam dơ\ pơrjum  bao\ dunia

                             Cau cih mờ yal tơnggit K’ Brọp