VOV4.K’ho- Drim ngai 22/12, geh bơyai lơh pơrjum pah nam dơ\ 18 bơh Ủy ban lơh broă bal Việt Nam – Campuchia bè lơh broă bal lơh sa, niam chài, khoa học mờ công nghệ geh bơyai lơh jat broă lơh pờ tơlik tơn tàm internet. Phó Thủ tướng, Bộ trưởng Ngoại giao Việt Nam, ồng Phạm Bình Minh neh bal mờ Phó Thủ tướng, Bộ trưởng Ngoại giao mờ lơh broă bal dunia lơgar Campuchia, ồng Prak Sokhom neh đơng lam bal dơ\ pơrjum.

Tàm pơrjum, Ủy ban lơh broă bal Việt Nam – Campuchia neh sền sơ wì cồng nha lơh geh bơh broă lơh jat ală tơngume mờ 2 gah neh ring bal tàm pơrjum dơ\ 17 tàm nam 2019 geh bơyai lơh tàm Phnom Penh. Pơrjum dơ\ 18 Ủy ban lơh broă bal Việt Nam – Campuchia neh cribơyai bè broă lơh pơn jat tai rề ơnàng lơh broă bal 2 lơgar tàm ală gah tàm tu\ tơngai gơtìp ua\ kal ke tài kòp bơ tờp tu\ do. 2 gah hơ pơrgon lơh ngan chul chồl lơh broă bal tơl làm nàng tàm dong kờl bal mờ gơp bơtàu tơnguh tơl gah lơh sa, niam chài, khoa học, công nghệ, cèng wơl bơta kuơ ai làng bol 2 lơgar in.

Cau mblàng K’Duẩn