VOV4.K’ho – Ngai òr, 10/5, tàm [òn dờng Pleiku, càr Gialai, Ban Tuyên giáo dà lơgar pơgồp bal mờ Bộ Ngoại giao bơyai lơh pơrjum bơto pơlam, mblàng yal cồng nha broă lơh đal git gùng nhàr, tồt `jrong tiah nhàr ù gờl Việt Nam – Campuchia. Gùng nhàr đah Việt Nam mờ Campuchia tàm ù gơl jòng mờr 1 rbô 137 kơi sồ, lòt gan 10 càr bơh lơgar Việt Nam dê là Kontum, Gialai, Daklak, Daknông, Bình Phước, Tây Ninh, Long An, Đồng Tháp, An Giang mờ Kiên Giang, rềp mờ 9 càr bơh lơgar Campuchia dê là Rattanakirri, Mondulkiri, Kratíe, Tboung Khmum, Svayrieng, Preyveng, Kandal, Takeo mờ Kampot. Mut lơh broă lơh đal git gùng nhàr, tồt `jrong tiah nhàr dà lơgar jat ală Hiệp ước hoạch định nam 1985, Hiệp ước bơtơl nam 2005, kờp tus nhai 4 pa do, 2 lơgar neh lơh jơh mờr 84% khà broă lơh tam cah gùng nhàr, tồt `jrong tiah nhàr tàm bă tiah ngan ngồn. Mùl màl, lơh 314 `jrong tồt tờm, đal git gùng nhàr geh mờr 929 kơi sồ, tơrgùm kờp geh 111 tiah mpờl tàm dà dờng, dà croh tiah nhàr dà lơgar. Tàm gùt gùng nhàr lơgar Việt Nam – Campuchia neh geh 49 yô mpồng nhàr lơgar mờ 16 gùng pờ drơng ală broă lơh kă bro, blơi mờ tac phan đah 2 lơgar. Tu\ do, 2 lơgar gam pơnjat tai bơsong 7 gơl gùng nhàr lơgar gam ờ hềt geh đal git gùng nhàr, tồt `jrong; Lơh jơh sră nggal đal git gùng nhàr, tồt `jrong; lơh sir broă lơh sră wac sềr ù tiah gùng nhàr lơgar Việt Nam – Campuchia.

                Cau cih mờ yal tơnggit K’Duẩn