VOV4.K’ho – Ngai òr, 28/7, hơ jơnau lùp bè ală jơnau tơnggit pa do gơ rềng tus broă lơh nơm zờu bơh lơgar Việt Nam dê tàm dà lềng đah mattơngai lik, cau pơlam đơs Bộ Ngoại giao Việt Nam mò Lê Thị Thu Hằng đơs loh: “Broă lơh nhơm zờu bơh Việt Nam dê geh lơh tàm tiah dà lềng di gơnoar tờm mờ gơnoar cribơyai bơh Việt Nam dê geh đal git dipal mờ adat boh  lam dunia, tàm hơ\ geh Công ước bơh Liên hợp quốc dê bè adat dà lềng nam 1982 (UNCLOS). Việt Nam sồr ală gah geh gơ rềng sền dờng màng ală gơ noar, bơta kuơ dipal bơh Việt Nam dê mờ lơh ngan bal mờ gơp tă pơgồp uă rlau tai mờ ngan ngồn tàm broă sền gàr ngap lơngai mờ tam klac tàm dà lềng đah mattơngai lik.”