VOV4.K’ho –Mho òr 22/9, tàm Hà Nội, hơ jơnau lùp bơh ală cau lơh [ău tàm lơgar mờ dunia dê gơrềng tus ală bơta gơlik geh rềp ndo tàm Dà lềng đah mat tơngai Lik, cau pơlam đơs Gah cribơyai broă mờ lơgar ndai lơgar Việt Nam dê là ồng Lê Hải Bình, đơs tờm: Việt Nam gàr kơ\ nùs nhơm ờ tu\ lơi tam gơl là, jơh ală broă lơh bơh ală gah dê ndrờm pal geh bơta tă pơgồp jơh nùs tàm broă gàr bơta ring lơngai, kơ\ kơl jăp, tam klac bal tàm Dà lềng đah mat tơngai Lik. Dà lềng đah mat tơngai Lik là gơl gùng dà lềng kuơmàng ngan bơh tiah do dê kung bè dunia dê, den tàng bè hơ\, ală lơgar tàm tiah do mờ bơdìh tiah do ndrờm geh bơta kuơ kung bè geh kơnòl tàm broă gàr bơta ring lơngai mờ kơ\ kơl jăp bơh kơnhoàl ù tiah do dê. Việt Nam geh gùng dà broă lơh bơsong jơh ală bơta tam pìt tam phà dunia bơh ală broă lơh ring lơngai, tàm hơ\ geh bal ală broă lơh cribơyai broă mờ lơgar ndai mờ lơh jat jơnau cih bơh adat boh lam dê dipal mờ adat boh lam dunia mờ Jơnau pơrgon bơh Anih duh broă dunia dê bè Adat Dà lềng nam 1982, pơn jờng bơta sền dờng màng bơta pal jat lơh jat adat boh lam gơ wèt tus mờ ală tiah dà lềng mờ dà lềng dờng.

Cau cih mờ yal tơngi\t- Lơ Mu K’ Yến