VOV4.K’ho- Drim ngai 3/9, tàm Hìu duh broă Chính phủ dê, ồng Vũ Đức Đam Phó Thủ tướng Chính phủ, Kuang ătbồ Mpồl đơng lam dà lơgar đơng lam dơ\ pơrjum Mpồl duh broă sùm Mpồl đơng lam dà lơgar rcăng sơndră kòp Covid-19 bal mờ ală anih, mpồl lơh sa kă bro.

Tu\ do, lơgar he neh geh 3 anih là Công ty Medicon, Công ty Cổ phần Công nghệ Việt Á mờ Công ty Cổ phần Sao Thái Dương gam tàm ală tu\ kơlôi sơnơng test mhar kháng nguyên. Pơndu\t dơ\ pơrjum, ồng Vũ Đức Đam sồr Bộ Y tế geh dùl broă rơndăp lơh pa bè xét nghiệm jun yal mờ Mpồl đơng lam dà lơgar in; pơn jăt tai rề ơnàng kơlôi sơnơng, lơh gơlik ală bơta sinh phẩm mờ măy mok xét nghiệm pa neh geh tàm dunia, tàm hơ\ dong kờl ală anih, ală mpồl lơh sa kă bro tàm lơgar mhar lơh gơs broă kơlôi sơnơng nàng lơh gơlik geh test mhar kháng nguyên.

Cau mblàng Lơ Mu K’Yến