VOV4.K’ho – Mho òr 13/7, tàm hìu lơh broă gơnoar ala mat dà lơgar Lào tàm càr lơgar Vientiane, mpồl ala mat bơh mpồl lơh broă kuang bàng gơnoar ala mat dà lơgar Việt Nam bơh ồng Trần Văn Tuý, kuang geh jơng tàm mpồl Đảng dà lơgar, kuang atbồ mpồl lam bồ tus còp mờ lơh broă tàm lơgar Lào. Tàm dơ\ tìp mat cribơyai, mpồl ala mat mpồl lơh broă kuang bàng gơnoar ala mat dà lơgar Việt Nam cribơyai mờ mpồl ala mat anih kơlôi sơnơng crơng gơs kơrnuat boh lam bơh gơnoar ala mat dà lơgar Lào bè rơndap broă tam klac bal đah 2 gah. Cribơyai bè broă crơng gơs rơndap broă bơto pơlam tơngai bơh nam 2016 tus nam 2020 mờ rơndap broă pơgồp bal đah anih tờm bơto pơlam bơh gơnoar ala mat dà lơgar Lào mờ anih tờm bơto pơlam kuang bàng làng bol pồ gơnoar ala mat dà lơgar Việt Nam pah nam nàng bơto pơlam kuang bàng gơnoar ala mat dà lơgar Lào in. 2 gah kung cribơyai mờ ringbal kơrnuat pơgồp bal lơh broă đah 2 anih tờm.