VOV4.K’ho- Mho ngai (17/11), tàm hìu lơh broă Chính phủ, ồng Nguyễn Xuân Phúc Thủ tướng Chính phủ neh đơng lam pơrjum mờ ală Bộ, gah sơnah lơh broă geh gơ rềng nàng sền wơl bơta lơh broă bal 2 lơgar Việt Nam mờ Lào, rcang ai  pơrjum dơ\ 43 bơh Ủy ban ală Chính phủ Việt Nam mờ Lào dê digơlan geh lơh tàm bồ nhai 12/ 2020 tus do tàm Hà Nội.

Ồng Nguyễn Xuân Phúc Thủ tướng Chính phủ đơng lam pơrjum

Tàm dơ\ pơrjum, ồng Nguyễn Xuân Phúc Thủ tướng Chính phủ sồr ală Bộ, gah sơnah lơh broă, ală tiah pal lơh ngan jơh nùs tàm broă lam lơh ală rơndap broă lơh lơh broă bal tờm kuơ màng đah 2 lơgar dê; mơ kung lơh ngan rcang lài niam nàng lơh gơtùi geh cồng nha pơrjum dơ\ 43 Ủy ban ală Chính phủ Việt Nam mờ Lào dê, tàm hơ\ lơh ngan lơh gơs ală sră nggal lơh broă bal  kuơ màng bè broă lơh lơh broă bal lơh sa, niam chài, bơto bơtê, khoa học kỹ thuật Việt Nam mờ Lào tơngai bơh nam 2021-2030 mờ Hiệp định lơh broă bal đah 2 lơgar Việt Nam mờ Lào tơngai bơh nam 2021-2025 nàng di tu\ ki\ hơ tàm dơ\ do, lơh geh bơnàng jă pơlam gùng dà sơlơ tơnguh bơta g^t gơ\p đah Việt Nam mờ Lào pơn jat tai bơtàu tơnguh pràn kơl dang, tài bơta kuơ bơh làng bol 2 lơgar dê, tài bơta ring lơngai, lơh broă bal, bơtàu tơnguh tàm tiah do  mờ tàm dunia dê.

Cau mblàng K’ Hạnh