VOV4.K’ho- Ngai 23/7, ồng Phạm Bình Minh Phó Thủ tướng, Bộ trưởng Bộ Ngoại giao Việt Nam neh cribơyai bơyai broă tàm điện thoại mờ Bộ trưởng Ngoại giao lơgar Hàn Quốc mò Kang Kyung-wha nàng cribơyai ală broă bè lơh broă bal tam dră mờ kòp dờng Covid-19 mờ bơtàu tơnguh wơl lơh sa đah 2 lơgar.

Bàr gah tam pà bal bơta mờng chài bè gròi sền kòp Covid-19 tàm tơl lơgar dê mờ đơs sùm bơta kuơmàng bơh broă sơlơ tơnguh tai lơh broă bal tàm ală gah broă, ngan là lơh broă bal lơh sa; dùl nùs bal ngui ală broă lơh dipal mờ bơta pa.

Phó Thủ tướng, Bộ trưởng Ngoại giao Việt Nam ồng Phạm Bình Minh yal, Việt Nam gam sền swì ai wơl ală rơndeh par kă bro in lòt rê mờ bàr pe lơgar, tàm hơ\ geh Hàn Quốc mờ sồr lơgar Hàn Quốc sơlơ tơnguh tai lơh broă bal tàm ală broă lơh gơ wèt ASEAN mờ Hàn Quốc, Mekong mờ Hàn Quốc bè dong kờl, tus bal lơh ală rơndăp broă lơh tơrlòng lài, pơgồp bơnah bơtàu tơnguh kơ\ kơl jăp tiah dềt Mekong.

Cau mblàng Lơ Mu K’Yến