VOV4.K’ho – Mho òr, 20/3, tàm hìu lơh broă Đảng dà lơgar, Tổng Bí thư Nguyễn Phú Trọng neh wă kuang atbồ lơgar Israel ồng Reuven Ruvi Rivlin. 2 gah đơs tờm pơnjat tai brồ guh, ngui ală bơta [uơn mờ bơta pràn dờng màng nàng chul chồl tam klac mờ bơtàu tơnguh rlau tai tàm tơngai tus, kuơ màng là tàm gah Khoa học công nghệ, lơh sa suơn sre, kă bro, sền gàr ngap lơngai dà lơgar, bơto bơtê mờ bơsram. Kung tàm ngai òr, Thủ tướng Nguyễn Xuân Phúc neh geh dơ\ tìp mat cribơyai mờ ồng Reuven Ruvi Rivlin. Thủ tướng đơs là, 2 gah pal pơnjat tai lơh ngan cribơyai Hiệp định kă bro khat gơboh 2 lơgar jat rơndap broă ai tơlik, gơ jat bal mờ broă sền gròi tus broă geh lơh lài mờ bơta kuơ dờng màng bơh 2 gah dê. Việt Nam mờ Israel pal lơh ngan, mhar tơnguh priă lơh geh bơh kă bro 2 lơgar, bơh khà 1 tơmàn 300 tơlak đôlar Mỹ tu\ do tus 3 tơmàn đôlar Mỹ tàm ală nam tus.

             Cau cih mờ yal tơnggit K’Duẩn