VOV4.K’ho – Tàm tơngume tus còp, cribơyai mờng chài mờ đah lùp sền Gơnoar atbồ lơgar Lào, drim òr, 3/8, tàm càr lơgar Vientiane, lơgar Lào, mpồl kuang bàng đah lùp sền Gơnoar atbồ lơgar Việt Nam bơh ồng Trần Đức Lượng, kuang jat jơng atbồ Đah lùp sền Gơnoar atbồ lơgar lam bồ neh geh dơ\ tìp mat cribơyai dờng màng mờ mpồl kuang bàng đah lùp sền Gơnoar atbồ lơgar Lào, bơh ồng Khamsuc Bunnhavong – Kuang jat jơng atbồ Đah lùp sền Gơnoar atbồ lơgar Lào lơh kuang atbồ mpồl.

Dơ\ pơrjum gah lùp sền 2 lơgar

Tàm dơ\ cribơyai, 2 gah neh đơs niam cồng nha tam klac cribơyai mờng chài lơh broă bơh đah lùp sền 2 lơgar tàm ală nam do mờ đơs tờm, geh pơnjat tai sơlơ tam klac tàm tơl bơta bơh broă lơh lùp sền, bơsong yal yă, yal khài mờ rơcang sơndră sa kuề, sa kùa, pơgồp bơnah uă ngan chul chồl git gơp lơh bơyô ờs mờng tam klac kuơ màng, tơl làm 2 lơgar ngai sơlơ bơtàu tơnguh, geh cồng nha. Gah lùp sền gơnoar atbồ lơgar Việt Nam mờ gah lùp sền gơnoar atbồ lơgar Lào neh sùm sền gàr git gơp rềp mềr tàm 20 nam do.

                                                                                                              Cau mblàng K' Duẩn.