VOV4.K’ho- Ngai òr 4/7, tàm Hà Nội, Thủ tướng Chính phủ ồng Nguyễn Xuân Phúc neh đơng lam pơrjum pờ tơn tàm internet mờ ală tiah. Thủ tướng yal ală cồng nha niam ngan tàm 6 nhai bồ nam do, tàm hơ\ broă lơh broă mờ lơgar ndai, mu\t gơrờm bal mờ dunia geh sền là dùl tàm ală cồng nha niam ngan rlau jơh, mờ broă bol he neh ki\ Hiệp định kă bro khăt gơboh Việt Nam- EU mờ Hiệp định sền gàr dong kờl bơcri priă Việt Nam- EU.

                                Thủ tướng đơs Việt Nam: niam ngan mu\t gơrờm bal mờ dunia 

Gơguh GDP geh 6,76% mơya kung gam kơ\ kơl jăp lơh sa dờng; gơmù khà priă geh gròi sền niam; tă dia, kă bro, bơtàu tơnguh mpồl lơh sa kă bro ndrờm lơh geh niam; ală gah niam chài, mpồl bơtiàn, tiah ơm kis, sền gàr dà lơgar, lơngăp lơngai, lơh broă mờ lơgar ndai geh sền dờng màng; rài kis làng bol pơn jat tai geh tam gơl niam.

Bulah bè hơ\, ồng Nguyễn Xuân Phúc kung yal ală bơta gam gơkòl, ờ hềt pràn jak pal jòi gùng dà nàng bơsong, tàm hơ\ geh kòp jê ndul gơjroh sur châu Phi gơlik geh kal ke; bơta tơngai duh, trồ prang dờng aniai uă ngan tus lơh sa sươn sre; bă ù tam brê gơmù, bă brê gơtìp ồs sa gơguh…Đơs sùm pal jơh nùs jơh tồr lơh geh sơrlèt khà ală broă mờ Dà lơgar bal mờ Quốc hội dê neh jàu jat tàm nùs nhơm bơtàu tơnguh mhar, tơl làm. Thủ tướng sồr, nùs nhơm hơ\ pal geh lơh jat tàm broă lơh bơh jơh ală bộ, anih lơh broă dê.

Cau mblàng Lơ Mu K’Yến