VOV4.K’ho- Mho ngai 27/1, tơ nơ\ tu\ geh cồng nha xét nghiệm sền go\ 2 nă cau bơ tờp kòp Covid-19 tàm mpồl bơtìan (1 nă cau tàm Hải Dương mờ 1 nă tàm Quảng Ninh), Phó Thủ tướng Chính phủ ồng Vũ Đức Đam, Kuang atbồ Mpồl đơng lam Dà lơgar rcang sơn dră kòp Covid-19 mờ Bộ trưởng Bộ Y tế neh bơyai lơh pơrjum mhar tàm internet 2 càr Quảng Ninh mờ Hải Dương.

Tàm dơ\ pơrjum, mpồl lơh broă bơh Bộ Y tế mờ Mpồl đơng lam rcang sơn dră kòp bơh 2 càr dê yal bè broă lam lơh ală gùng dà broă lơh wàng se kơryan kòp, sền go\ mờ jun ơm yah ngài ală cau ơm rềp mờ 2 nă cau bơ tờp kòp tàm tiah ơm mờ tàm tiah lơh broă, lơh xét nghiệm mờ sơm kòp. Phó Thủ tướng ồng Vũ Đức Đam đơs nền, tài bơh cau kòp tàm Hải Dương geh gơ rềng tus cau bơ tờp kòp Sars-CoV-2 jơi tam gơl să pa, den pal kơrhia ngan, gàr niam bơta ờ do ờ dă ua\ ngan ai mpồl lơh broă rcang sơn dră kòp in.

Cau mblàng K’ Hạnh