VOV4.K’ho - Virus Zika di gơlan geh gơ mut tàm lơgar Việt Nam mờ tu\ neh gơmut den bơta bơtờp ua\  digơlan la geh ngan. Do la jơnau yal bơh đah lơh sơnơm rcang lài Gah lơh sơnơm dà lơgar ai tơlik tàm bùi pơrjum cơldu\ lơh di bơta lơh jar mhar rcang sơndra\ kòp bơtờp geh bơyai lơh mho òr (29/1) tàm Hà Nội. Virus Zika gam bơtờp mhar ngan tàm 26 lơgar mờ ù tiah tàm châu Mỹ  mờ neh gơlik geh tàm ờ ua\ lơgar châu Âu. Git nđờ rbô na\ kòn se rềp do tu\ deh neh gơbàn gơ rồt tơngoh geh đơs la geh gơ rềng tus virus Zika, geh lơh ờ suk gùt plai ù. Gah lơh sơnơm Việt Nam đơs tờm, Việt Nam ờ hềt go\ geh cau lơi gơbàn virus Zika. Bulah bè hơ\,  bơta do gam di gơlan gơlik geh tài virus Zika bơtờp bơh sơmac Aedes. Do kung   la  sơmac lơh bơtờp kòp mprơm gơlik mhàm. Ngan la tu\ virus neh geh  dờp  go\ tàm ờ ua\ lơgar tàm Đông Nam Á, tiah  geh bơta tus nhơl chờ, ka\ bro, lơh broa\ dờng ngan.

                   Cau cih mờ yal tơnggit K’ Brọp