VOV4.K’ho – Tàm tu\ tàm uă tiah Tây Nguyên, tờm lan brê geh tac kềng gah gùng bè biap, bơta kuơ lơh geh ờ uă, den bi Vũ Huy Hoàng, ơm tàm [òn drà Liên Nghĩa, kơnhòal Đức Trọng, càr Lâm Đồng git tam lan brê jat broă lơh gơs phan bơna kă bro. Suơn lan cèng mat sơnđan Hương Rừng bơh bi dê ờ mìng cèng wơl priă jền lơh geh git nđờ tơmàn priă pah nam, ai geh broă lơh uă cau tàm [òn lơgar in mờ gam dong cau tờm suơn ai geh khà jờng Lương Định Của nam 2015, dùl khà jờng ai ơruh pơnu [òn lơgar geh cồng nha jak ngan tàm broă lơh sa, kă bro, mut ngui bơta chài lơh broă, công nghệ, bơtàu tơnguh broă lơh, sền gàr tiah ơm kis:

Bơta kờ` gơboh Lan tus mờ bi Vũ Huy Hoàng pơgap mờ do rlau 10 nam. Tu\ hơ\, bi bơsram kai bơsram dờng ndang, lòt lơh broă ơpah ndang ală suơn tam lan in nàng geh priă kơlôi rơcang rài kis mờ drơng broă bơsram sră. Tơnơ\ mờ tu\ jơh bơsram, lòt lơh broă, geh priă jền, bi Vũ Huy Hoàng neh lời tu\ tơngai nàng jòi tơrgùm uă bơta lan brê nàng tam bơka tàm suơn. Kơnờm mờng chài sơngka sền gàr tờm lan tàm ală ngai lòt lơh ơpah ală cau tờm suơn in den tàng ală kơldung lan brê bi dê gơs mờ lì bơkàu niam ngan. Ờ mìng jòi tơrgùm, bi gam bơkiar ală sơntìl lan. Tu\ ală kơldung lan tàm suơn ngai sơlơ uă mờ go\ jơnau kờ` drà kă bro ngai sơlơ uă, den bi ờ mìng tam nhơl gời, mờ neh bơcri tam, bơkiar sơntìl nàng tac tàm drà kă bro. Sền ală kơldung lan gam gơs tơlir mờ lì bơkàu niam, bi Vũ Huy Hoàng chờ hờp yal: “ Sơnđờm bơh bơta kờ` gơboh ai tờm lan in, a` mìng tam bơka nhơl gời, mơya tu\ go\ ală kơldung lan gơs, lì bơkàu niam, uă cau dan blơi den hơ\sồng a` sơnơng tus broă tam lan gơs phan kă bro. Tus nhai 3 nam 2012, a` sơnđờm lơh suơn lan mờ bă ù bơh sơnrờp mìng ơnàng 100 thơk kơre. Tơngai do, a` uă ngan là tam ală bơta lan brê.”

Tàm tơngai tam mờ yal phan lơh gơs, bi Hoàng go\ jơnau kờ` drà kă bro dê là uă ngan mờ khà cau cih mat blơi lan ngai sơlơ gơguh uă. Den tàng bi neh rề ơnàng bă ù lơh suơn tam lan. Bồ nam 2013, bơh bă ù neh geh lờs hìu nhă dê, bi pờ ơnàng tai 500 thơk kơre suơn lan, mờ priă bơcri rlau 400 tơlak priă, tơnguh bă ù lơh suơn lan bi dê rlau 600 thơk kơre. Bal mờ hơ\, bi kung ngai sơlơ kơlôi sơnơng tàm sră [au\ mờ lòt sền, đòm jat ală suơn lan tàm tiah do. Bơh hơ\, bi go\ ală sơntìl lan să jòng, `rùh gam geh cau kờ` ngan. Mờ bơta niam bơh jơi lan do dê là tac geh ỳom, [uơn sơngka sền gàr, bơkiar sơntìl niam. Den tàng, bi neh blơi sơntìl, tam tai ală jơi lan să jòng, `rùh geh bơta kuơ kă bro uă bè Dã Hạc Hawai, Dã Hạc Pháp, Đại ý Thảo. Bal mờ hơ\, bi gam blơi tai ală sơntìl lan pa geh bơta kuơ uă bơh Thái Lan, Đài Loan nàng tam kung bè tac ală suơn ndai in.

Ờ mìng tam lan lơh gơs phan tac tàm drà kă bro mờ bì Vũ Huy Hoàng gam pơgồp bơnah sền gàr ală jơi gen kuơ màng bơh ală bơta lan ngai sơlơ ờ huan geh ngan, pơhìn ờ geh tai bơh brê càr dê. Bi yal: “ Tài bơta lòt jòi lan brê kung bè bă brê ngai sơlơ gơmù, den tàng uă jơi lan pơnrơ càr dê digơlan ờ geh tai. Den tàng, a` lơh ngan bơkiar sơntìl nàng ală jơi lan kuơ màng gam geh kis.”

Tu\ do, bơdìh mờ broă tam lan tac ală drà kă bro in, bi Vũ Huy Hoàng gam tac tờm sơntìl, phan bơna drơng broă tam lan ală suơn tam lan tàm uă tiah tàm càr mờ bơdìh càr in. Bal mờ hơ\, tài phan lơh gơsíuơn dê ờ tơl nàng tac drà kă bro in, bi kung blơi uă ngan phan lơh gơs bơh ală suơn tam lan tàm [òn lơgar. Nam 2014, suơn lan bi Hoàng dê lơh geh rlau 2 tơmàn priă mờ ai geh broă lơh 5 nă cau tàm [òn lơgar in.

Bi Phan Đình Qúy, kuang jat jơng atbồ mpồl ơruh pơnu kơnhòal Đức Trọng pà git: “ Mờ suơn lan Hương Rừng, bi Hoàng neh lơh geh priă jền hìu nhă in, ai geh broă lơh cau tàm [òn lơgar in mờ pơgồp bơnah sền gàr jơi gen kuơ màng bơh ală bơta lan pơnrơ niam Lâm Đồng dê. Mờ ală cồng nha hơ\, pa do bi neh geh Mpồl ơruh pơnu Cộng sản Hồ Chí Minh dà lơgar jàu khà jờng Lương Định Của nam 2015. Tu\ do, bol a` gam sền sơnơng nàng rề ơnàng broă lơh do tus mờ ơruh pơnu tàm [òn lơgar in.”

                                                                            Cau mblàng K’ Duẩn.