VOV4.K’ho- Di tơngkah 71 nam Ngai Kăc màng Nhai Phàm mờ Sơntờm dà lơgar ngai 2/9, wèt tus tơngkah 71 nam Ngai crơng gơs Anih jơnau đơs Việt Nam (7/9/1945- 7/9/2016), drim òr 14/8, tàm ntum Kim Liên, kơnhoàl Nam Đàn, càr Nghệ An, Anih jơnau đơs Việt Nam (VOV) neh bơyai lơh dơ\ jàu pà phan ngui pờ tơlik jơnau đơs ai ntum Kim Liên in. Phan pà bơh VOV dê ai ntum Kim Liên, kơnhoàl Nam Đàn in là ală phan ngui pờ tơlik jơnau đơs ờ geh che kờp mờ priă là mờr 400 tơlak priă (tàm hơ\ geh măy pờ tơlik jơnau đơs ndrờm bal, măy ku\p jơnau đơs, măy vi tính lơh gơlik jơnau đơs mờ 20 mpồl tô ri). Lài hơ\ tàm ngai 13/8, VOV neh bơyai lơh kah rơngal ală hìu bơnhă cau ling sồt să, cau ling chơ\t màng, hìu bơnhă geh màng mờ dà lơgar tàm kơnhoàl Yên Thành, càr Nghệ An. VOV neh pà Anih pờ tơlik jơnau đơs mờ sơnio rùp kơnhoàl Yên Thành in ală măy lơh gơlik jơnau đơs mờ măy pờ tơlik jơnau đơs FM pràn pờ 500 W, kờp jơh mờ priă là rlau 800 tơlak. Kuang bàng đơng lam bồ VOV kung neh pà măy lơh gơlik jơnau đơs ai Anih pờ tơlik jơnau đơs ntum Liên Thành in mờ pà bàr pe kơnhoàl, Anih pờ tơlik jơnau đơs mờ sơ`io rùp Nghệ An in rlau 600 nơm măy ku\p săp đơs Radio. Di tàm dơ\ wa\ rò nam bơsram pa, Păng bău Jơnau đơs Việt Nam bơyai lơh dơ\ “Lòt bal mờ kơnòm bơsram r[ah sơr lèt gan kal ke” pà phan mờ priă dong kờl bơsram ai 120 nă kơnòm bơsram geh rài kis kal ke lơh ngan sơr lèt gan bơsram jak bơh kơnhoàl Yên Thành dê, tơl bơnah phan mờ priă dong kờl bơsram kờp mờ priă là rlau 800 tơlak.

Cau cih mờ yal tơngi\t- Lơ Mu K’ Yến