VOV4.K’ho– Sùm ơm ngài hìu bơnhă, wă rò nam pa tàm tiah nhàr dà lơgar là broă bè ờs ngan gơ wèt mờ cau ling sền gàr tiah nhàr dà lơgar. Sa tềp nam do sơlơ bòl glar rlau tu\ kuang bàng, cau ling sền gàr tiah nhàr dà lơgar pal ơm wơl tàm ală hìu kù, anih sền gròi nàng sền gàr lơngap lơngai tiah nhàr dà lơgar mờ sền gròi nền nòn broă rơcang sơndră kòp bơ tờp. Jà làng bol mờ gơp bơyô tus mờ Pôs ling sền gàr tiah nhàr dà lơgar Mpồng nhàr dà lơgar Bu Prăng, kơnhòal Tuy Đức (Gah đơng lam Mpồl ling sền gàr tiah nhàr dà lơgar Dak Nông) wă rò nam pa tàm anih sền gròi rơcang sơndră kòp bal mờ ală kuang bàng, cau ling mờ làng bol tiah nhàr dà lơgar.

Ngai mờ pôs đồng rlau 7 kơi sồ gùng brê, anih sền gròi rơcang sơndră kòp bơh Pôs ling sền gàr tiah nhàr dà lơgar mpồng nhàr dà lơgar Bu Prăng ơm tàm dơlam brê ngài xã Quảng Trực, kơnhòal Tuy Đức, càr Dak Nông. Do là anih ơm bơh kuang bàng, cau ling sền gàr tiah nhàr dà lơgar mờ ală mpồl lơh broă tàm [òn lơgar tus bal sền gròi, rơcang sơndră kòp Covid-19. Là ling rơcang gàr bơh [òn Bu Lung, xã Quảng Trực dê geh sồr tus tàm anih sền gròi sơndră kòp, bi Điểu Liếp yal: “Bơh nhai 5 tus nhai 12, a` bal mờ ală oh mi tàm mpồl ơm wơl anih sền gròi sơndră kòp, ờ hềt geh rê tàm hìu dùl dơ\ lơi, geh bơta sền gròi bơh gơ noar atbồ mờ mpồl ling dê, oh mi bol hi geh jơ nờng bic, nđờ nhai do geh oh mi ờ hềt geh dùl dơ\ rê tàm hìu mơya sùm sơ nơng là pal lơh ngan tài bơh kòp kung ờ hềt jơh sơl. Bè hơ\ den tàng nam do, oh mi ơm wơl ờ rê, kung kơp kờ` geh hìu bơnhă tus còp”.

Klơm mbar lơm pòng wă rò sa tềp bơhìan yau

Ơm tàm dơlam brê ngan, ală bơta drơng tàm rài kis tàm anih sền gròi sơndră kòp Covid-19 bơh pôs ling sền gàr tiah nhàr dà lơgar Bu Prăng dê kalke ngan. Sóng điện thoại den ờ pràn, ồs đèng den mìng tơl sòl àng pơgap 2 jơ tàm dùl ngai. Tơngai sơn rờp ờ tơl dà ngui sa, pơgap 2, 3 ngai den ală bi tàm pơ dờn rê hờ pôs đồng nàng um tu, pìh phan mờ rơcang ală phan kươmàng. Nđàc cau ling, làng bol tàm [òn lơgar tàm jà gơp à` dà tus anih sền gròi, pà biap nàng ală bi in lơh niam kơ nòm broă.

Bi Đoàn Lê Anh, dùl nă cau tàm [òn Dak Buk So pà git: “Oh mi mpồl ling sền gàr tiah nhàr dà lơgar sền gròi ngan tus làng bol tàm [òn lơgar mờ geh bơta tàm sền gròi bal mờ gơp. Anih sền gròi gam ua\ kal ke tu\ lơh broă bè ờ hềt geh tơrlung dà khoàng, ờ tơl dà sa, làng bol pơndiang dà tus anih sền gròi nàng oh mi ơm gak, sền gàr tiah nhàr dà lơgar, nàng rơcang sơndră kòp Covid-19. Sền go\ cau lơi ờ quèng tus tàm [òn den bol hi yal mơ mpồl ling sền gàr tiah nhàr dà lơgar in”.

Ală bi bơka tờm mai

Sền anih sền gròi rơcang sơndră kòp bè pôs đồng, bè hìu, ală cau ling kung lơh gơlik is nùs nhơm wă rò nam pa ram mhu\. Tơ nơ\ dơ\ lòt sền, tơl nă cau bal mờ gơp klơm mbar lơm pòng, bơka tàm mai rơmit, wă rò sa tềp gờ` di tu\ geh ala mat ală mpồl, gah broă lơh, mpồl cau mờ cau tờm tus còp. Trung úy Phạm Ngọc Tuần yal, do là sa tềp dơ\ 3 sùm bi ờ geh ơm bal mờ hìu bơnhă: “Bol hi ală cau ling sền gàr tiah nhàr dà lơgar gam lơh pôs tàm tiah nhàr dà lơgar den sùm đal git kơ nòl broă là sa tềp kung gam pal ơm gak. Oh mi bol hi kung hòi điện thoại hìu bơnhă, pơ ùr, oh kòn in, yal là nam do geh kòp bơ tờp, ală cau tờm tàm hìu, kuơmàng là pơ ùr, oh kòn kung git mờ tam pà bal kal ke mờ bol hi. Tơl nă cau kung pơn jờng bol hi là tàm tiah nhàr dà lơgar pal lơh ngan sền gàr pràn kơldang să jan, lơh broă niam, lơh ngan sền gàr gơnoar tờm, lơngap lơngai tiah nhàr dà lơgar kung bè lơh gơs niam kơ nòl broă mờ mpồl đong lam pôs ling neh jàu”.

Pơgồp bal mờ ală mpồl lơh broă tàm [òn lơgar lòt sền tiah nhàr dà lơgar

Thượng tá Bùi Văn Mừng, chính trị viên Pôs ling sền gàr tiah nhàr dà lơgar mpồng nhàr dà lơgar Bu Prăng pà git, lơh jat kơ nòl broă sền gàr gơ noar tờm lơngap lơngai tiah nhàr dà lơgar kung bè rơcang sơndră kòp Covid-19, mpồl ling neh lam lơh ală broă rơndap lơh lòt sền, sền sơ wì, pơgồp bal jơh nùs mờ ală mpồl lơh broă tàm [òn lơgar. Di sa tềp bơhìan yau, mpồl ling gàr 100% khà ling, mờ nùs nhơm chờ hờp sơnam pa mơya ờ hui\ kơ nòl broă: “Pôs ling sền gàr tiah nhàr dà lơgar mpồng nhàr lơgar Bu Prang lơh niam broă bơto bơtê chính trị, nùs nhơm nàng kuang bàng, cau ling ơm wơl sền gròi tàm dơ\ sa tềp ngan ngồn iang nùs lơh broă, ai ling sền gàr tiah nhàr dà lơgar tàm ală anih sền gròi ngai mang, lơh kơ nòl broă git go\ bơh ngài mờ kơryan ờ lời ală cau dô gan tiah nhàr dà lơgar mut ờm gan nhàr lơgar, lơh bơ tờp kòp Covid-19 mơkung gàr tơl phan bơna ai kuang bàng cau ling in, nàng khi iang nùs lơh broă”.

Sa tềp tus, nam pa tus, tu\ tơl nă cau gam bơ tòm tơrgùm mat bal mờ hìu bơnhă wă rò dùl nam pa ram mhu\, ală cau ling sền gàr tiah nhàr dà lơgar tàm anih sền gròi sơndră kòp Bu Prăng kung gam at kơ\ ngkơr phàu nàng sền gàr tiah nhàr dà lơgar, nàng sơnam pa in sơlơ ring lơngai mờ chờ hờp.

Cau mblàng K’Duẩn