VOV4.K’ho- Tềng đap broă gơlik geh kal ke bơh kòp Covid-19 dê mờ bơta bơ tờp mhar ngan bơh jơi virus pa dê, bơh mho mang ngai 28 tus àng drim ngai 29/01, tàm Tiah tờm pơrjum dà lơgar tàm [òn dờng Hà Nội, Mpồl bơyai lơh pơrjum dờng dơ\ 13 bơh Đảng dê neh lơh xét nghiệm ai mpồl kuang bàng, cau lơh broă drơng pơrjum mờ jơh ală cau cih [a\u tus bal mblàng jơnau tàm pơrjum dờng.

Ala mat Bộ Y tế pà git, gam dan jơnau đơs bơh Kuang atbồ Tiểu ban bơyai broă drơng lơh pơrjum dờng in bè broă xét nghiệm gơ wèt tus mờ ală kuang bàng tus bal pơrjum dờng. Dilah geh, den geh lơh tàm hìu nac, anih ơm bơh ală mpồl kuang bàng dê. Nđờ ngai do, nàng pơgồp bơnah gàr ờ do ờ dă mờ cồng nha ai pơrjum dờng in, ua\ kuang bàng neh lơh jat nền nòn jơnau sồr rơcang sơndră kòp. Ờ ua\ kuang bàng là kuang đơng lam bồ kấp càr, kấp kơnhòal tiah pa geh kòp neh geh bơta ai gơnoar bơh Đoàn Chủ tịch pơrjum dờng dê rê wơl hờ càr, kơnhòal he dê nàng đơng lam broă lơh kơryan kòp Covid-19 mờ geh ờ tus bal wơl pơrjum dờng.

Cau mblàng K’Duẩn