VOV4.K’ho – Drim òr 21/9, tàm Hà Nội neh geh lơh Dơ\ yal kơrnoat bơh Gah Gùng dră bal dà lơgar dê pồ Mpồl đơng lam Đảng Kuang àng dà lơgar tơngai lơh broă bơh nam 2015- 2020. Tus mờ đơs jơnau tàm dơ\ bơyai lơh, ồng Nguyễn Phú Trọng, Kuang atbồ đơng lam Đảng dà lơgar đơs tờm: Tơl nă kuang bàng tàm Mpồl đơng lam Đảng Kuang àng dà lơgar pal ngan ngồn lam lài, tơryang tơryồng, tềm pềr, song dơ pă, jơh nùs; lơh broă ờ go\ di kơlôi tus să tờm is; đơs gơlòt bal mờ broă lơh, khin sơrlèt gan mờ bơta kal ke, bơta lòng, jơh nùs tàm tu\ đơng lam, tàm tu\ lơh broă; geh jơnau gi\t wa\ geh kơnòl uă tă pơgồp tàm ală kơrnoat bal bơh Mpồl đơng lam Đảng kuang àng dà lơgar dê; ngan ngồn là cau pơnrơ niam nàng kuang bàng, cau ling bơsram mờ đòm jat. Ồng Nguyễn Phú Trọng sồr: pal sền dờng màng ngan mờ tơrgùm bơ\t bơtàu Mpồl Đảng kuang àng dà lơgar, ală mpồl Đảng tàm kuang àng làng bol mờ mpồl kuang àng làng bol pal ngan ngồn sàng kloh, pràn kơldang, pal dùl nùs mờ Đảng mờ Dà lơgar, geh bơta pràn jak đơng lam mờ pràn tam lơh uă, tơl pràn lơh gơs jak ngan gơnoar broă, kơnòl broă geh jàu tàm jơh ală bơta lơi digơlan gơlik geh.

Cau cih mờ yal tơngi\t- Lơ Mu K’ Yến