VOV4.K’ho – Drim òr 7/9, tàm Hìu duh broă Cơldu\ lơh broă Đảng Dà lơgar geh lơh dơ\ yal kơrnoat crơng gơs Mpồl duh broă cribơyai Dà lơgar tơngai bơh nam 2016- 2021. Đơs tàm dơ\ bơyai lơh dơ\ yal kơrnoat do, ồng Đinh Thế Huynh, Kuang atbồ Mpồl duh broă cribơyai Dà lơgar đơs tờm: bơta geh ngan bơtàu tơnguh bơh dà lơgar dê 30 nam do neh tơngo\ mờ đơs tờm gùng dà tam gơl pa bơh Đảng he dê là dipal ngan, bơceh pa, gùng lòt tus rài làng bol lơh tờm mpồl bơtiàn ring bal là dipal mờ bơta geh ngan bơh dà lơgar dê. Tàm hơ\, broă lơh cribơyai bơh Đảng dê mờ ală broă lơh tơrgùm ai bơh bơta geh ngan mờ kơlôi sơnơng cribơyai bơh mpồl kuang bàng cribơyai, mpồl cau geh bồ tơngoh jak neh geh ală tă pơgồp dipal, pơgồp bơnah lơh gơs ală cồng nha dờng ngan. Ồng Đinh Thế Huynh sồr: Mpồl duh broă cribơyai Dà lơgar kờn pal pơn jat tai tam gơl pa tơngume mờ gùng dà lơh broă bơh Mpồl duh broă dê, kờn tơnguh jơnhoa loh làng cồng nha dong pơlam ai Mpồl duh broă đơng lam Dà lơgar, Gah Gùng dră bal dà lơgar, Mpồl đơng lam Đảng dà lơgar bè ală bơta cribơyai gùng dră bal, lơh bơnàng jă ai broă rơndăp gùng dà broă lơh, lơh gơs bơtàu tơnguh gùng dà broă lơh bơh Đảng dê.

Cau cih mờ yal tơngi\t- Lơ Mu K’ Yến