VOV4.K’ho - Mho mang òr 26/02, ồng Phạm Vũ Luận kuang atbồ Gah Bơto bơtê mờ bơ sram dà lơgar neh ki\ kơrnuat yal ngan ngồn Kơrnuat pơr lòng kai bơsram III dà lơgar mờ Kơrnuat pơr lòng săc rơ wah mu\t bơsram kai bơsram dờng mờ cao đẳng nam 2015. Pơndrờm mờ sră rơndăp cih kơrnuat geh ai ngui lài do nàng ai jơnau đơs tă pơ gồp, kơrnuat ngan ngồn geh ờ uă bơta tam gơl wơl tơ nơ\ tu\ dờp geh ală jơnau đơs tă pơ gồp bơh mpồl bơtiàn dê. Dơ\ pơr lòng kai bơsram III dà lơgar geh lơh 8 môn: Toán, Ngữ văn, Lịch sử, Địa lí, Vật lí, Hoá học, Sinh học, Dà đơs lơgar ndai. Nàng sền sơ wì dờp sền pơr lòng gơkờn jơh bơsram kai III, cau pơr lòng pal pơr lòng 4 môn, tàm hơ\ geh 3 môn pal pơr lòng là Toán, Ngữ văn, Dà đơs lơgar ndai mờ dùl môn bơh cau pơr lòng dê săc rơ wah is tàm ală môn pơr lòng gam wơl. Tàm kơrnuat pơr lòng săc rơ wah mu\t bơsram kai bơsram dờng mờ cao đẳng nam 2015 kung geh bơta tam gơl broă sền sơ wì săc rơ wah mu\t bơsram kai bơsram dờng mờ cao đẳng kung bè geh bơta tam gơl Gah Bơto bơtê mờ bơsram dà lơgar pà 4 sră dờp sền cồng nha pơr lòng, 1 sră nàng cau pơr lòng ngui sền sơ wì săc rơ wah jơnau kơ\p kờn 1. Cau pơr lòng neh pơr lòng mu\t di jơnau kơ\p kờn dùl, ờ geh lơh sră cih mat dan sền sơ wì săc rơ wah tàm ală dơ\ pơn jăt tai sền sơ wì săc rơ wah. 3 sră gam wơl geh ngui ai sền sơ wì săc rơ wah ală jơnau kơ\p kờn bơ tơl. Tơn jơh pah dơ\ sền sơ wì săc rơ wah jơnau kơ\p kờn bơtơl, cau pơr lòng ờ mu\t di jơnau kơ\p kờn, den geh gơnuar ai wơl sră lơh sră cih mat dan sền sơ wì săc rơ wah nàng dan tàm ală dơ\ pơn jăt tai.